• SPGની માંગને ગ્રામ પંચાયતે લેટરપેડ સંમતિ પાઠવી
રાજ્યમાં વિધર્મીઓ દ્વારા હિન્દુ પરિવારની દીકરીઓને ભગાડી જઈ પ્રેમ લગ્ન કરવાના બનાવોમાં વધારો થયા સરદાર પટેલ સેવાદળ (SPG) દ્વારા પ્રેમલગ્નના કાયદામાં સુધારો કરવા માંગ કરાઈ હતી.
જેને લઇ ઠેર ઠેર સામાજિક સંસ્થાઓ અને સહકારી સંસ્થાઓનો ટેકો મળી રહ્યો છે ત્યારે ધ્રાંગધ્રા તાલુકાના હરીપર ગ્રામ પંચાયત દ્વારા સરદાર પટેલ સેવાદળના માંગને સંમતિ પાઠવતો લેટરપેડ સામે આવ્યો છે.
જેમાં પ્રેમ લગ્ન અંગેના કાયદામાં સુધારો કરવાની માંગ સાથે જણાવ્યું છે કે “જ્યાં યુવતીનો રહેણાક પુરાવો હોય તે વિસ્તારની લાગુ પડતી રજીસ્ટર કચેરી ખાતે જ લગ્ન માન્ય ગણવા, લગ્ન માટે ડોક્યુમેન્ટનું વેરીફીકેશન સ્થાનિક પોલીસ મથકના હવાલે આપવું, લગ્ન નોંધણી બાદ પ્રમાણપત્રની જવાબદારી સ્થાનિક મામલતદાર અથવા જિલ્લા કલેકટરને સોંપવી તથા લગ્ન નોંધણી માટે દીકરીના માતા પિતાની પરવાનગી ફરજિયાત કરવી.”
આ ચાર મુદ્દા સાથે હરીપર ગ્રામ પંચાયત દ્વારા પોતાના પંચાયતી લેટરપેડ પર લગ્ન નોંધણી અંગેના કાયદામાં સુધારો કરવા માંગ કરી છે જેના લીધે પ્રેમ લગ્નમાં થતા વધારા પર અંકુશ લાવી શકાય છે.
