દેશી દારૂ, ઈકો કાર સહિત કુલ 5.42 લાખ રૂપિયાનો મુદામાલ જપ્ત
Sayla News | સાયલા તાલુકાના ધજાળા પોલીસ મથકનો સ્ટાફ પેટ્રોલીંગમાં હોય તેવા સમયે નાના હરણીયા ગામથી ગઢેશી ગામ તરફ જવાના માર્ગે વોંકળામાં દેશી દારૂ બનાવવાની પ્રવૃતિ ચાલતી હોવાની બાતમીને આધારે સ્થાનિક પોલીસે દરોડો કર્યો હતો.
પોલીસના દરોડા દરમિયાન સ્થળ પરથી દેશી દારૂ બનાવવાનો ઠંડો આથો 6200 લિટર કિંમત 1.55 લાખ રૂપિયા, દેશી દારૂ 910 લિટર કિંમત 1.82 લાખ રૂપિયા, ઈકો કાર કિંમત બે લાખ રૂપિયા, એક ટુ વ્હીલર બાઈક કિંમત 20,000 રૂપિયા તથા એક સબમર્શીબલ પંપ કિંમત 3000 રૂપિયા સહિત કુલ 5.42 લાખ રૂપિયાનો મુદામાલ જપ્ત કરી
અમરબાઈ બાબુભાઈ તડવી (મૂળ રહે: છોટાઉદેપુર, હાલ રહે: નાના હરણીયા), કમલેશભાઈ ભરતભાઈ ભીલ (રહે: નાના હરણીયા) તથા અજયભાઈ ભરતભાઈ સોલંકી (રહે: નાના હરણીયા)ને ઝડપી પાડી નાશી ગયેલ જયરાજભાઈ ભુપતભાઈ ખાચર, સંજયભાઈ ઝાપડિયા બન્ને રહે: નાના હરણીયા વાળા તથા વિજય ઉર્ફે પિન્ટુ ઉકાભાઈ રાજપરા રહે: વિંછીયા વાળા સહિત છ ઈસમો વિરુધ ગુનો નોંધી કાર્યવાહી હાથ ધરી હતી.
