• સુરેન્દ્રનગર જિલ્લા LCB ટીમે ઘરફોડ ચોરી કરનાર બે તસ્કરોને ઝડપી લીધા
સુરેન્દ્રનગર (બ્યુરો): સુરેન્દ્રનગર જિલ્લા લોકલ ક્રાઈમ બ્રાન્ચના ટીમ દ્વારા ઘરફોડ ચોરીના બનાવોને ધ્યાને લઈ ગુનાનો ભેદ ઉકેલવા કામે લાગી હતી.
જે દરમિયાન બે શંકાસ્પદ શખ્સોને ઝડપી લઈ પૂછપરછ કરતાં તેઓ દ્વારા પાટડી તાલુકાના મોટા ઉભડા ગામે રહેણાક મકાનમાં ચોરી કરી હોવાની કબૂલાત આપતા બંને શખ્સો જેમાં શાહીલખાન ઉર્ફે શાહરૂખ જમીયતખાન જતમલેક તથા સિરજખાન નશીબખાન જતમલેક, રહે: બંને સેડલા (પાટડી) વાળા પાસેથી સાત હજાર રૂપિયા રોકડ તથા એક બાઈક કિંમત ૫૦ હજાર એમ કુલ ૫૭ હજારનો મુદામાલ જપ્ત કરી પાટડીના મોટા ઉભલા ગામે ઘરફોડ ચોરીનો ભેદ ઉકેલી નાખ્યો હતો.
