લખતર શહેર સહિત તાલુકાના ગ્રામ્ય વિસ્તારોમાં રવિવારે ભારે પવન અને ગાજવીજ સાથે ધોધમાર વરસાદ ખાબક્યો હતો. પાછોતરા વરસાદથી ખેડૂતોની ચાર મહિનાની મહેનત પર પાણી ફરી વળિયું છે.
જેને કારણે ખેડૂતોને વ્યાપક પ્રમાણમાં નુકસાન થયું છે જેના પગલે મોંમાં આવેલો કોળિયો છીનવાઈ જતા ધરતીપુત્રો મુશ્કેલીમાં મુકાયા છે. હાલ ખેડૂતોના ખેતરોમાં બીટી કપાસ, અળદ, મગ, જુવાર, ડાંગર સહિતના પાકો ઉભા છે.
ત્યારે વરસાદ ખાબકતા ખેડૂતોના ખેતરોમાં ઊભેલી ડાંગર આડી પડી ગઈ હતી સાથે ખેડુતોએ ખેતરોમાં તૈયાર થઇ ગયેલા અડદ કાઢીને ખેતરોમાં ઢગલા કરીને રાખ્યા હતા તે પણ વરસાદના પાણીમાં પલળી જવા પામ્યા હતા. તેમજ કપાસ-મગફળીની ઉત્પાદકતા પણ પ્રભાવિત થવાની ભીતિ સેવાઇ રહી છે.
