મહિલાને નોકરીની લાલચે બળાત્કાર ગુજારનાર શખ્સને પણ ઝડપી લેવાયો
ધ્રાંગધ્રા તાલુકા પોલીસ મથક ખાતે વિચિત્ર બનાવ સામે આવ્યો છે જેમાં બળાત્કારની ઘટનામાં ક્યાંય પણ ધ્રાંગધ્રા તાલુકા પોલીસ મથકના વિસ્તારનો ઉલ્લેખ નહી હોવા છતાં પણ સ્થાનિક પોલીસે જીરો નંબરથી બળાત્કારની ગુનો નોંધ્યો છે.
આ બનાવની પ્રાપ્ત વિગતો અનુસાર હળવદના ગ્રામ્ય વિસ્તારમાં રહેતી મહિલાના સંપર્કમાં આવેલા સુનિલભાઈ ગોવિંદભાઈ દલવાડી રહે: ઘનશ્યામપુર, હળવદ વાળાએ નોકરી આપવાની લાલચ આપી મોરબી ખાતે બોલાવ્યા હતા જ્યાં મહિલા મહેન્દ્રનગર ચોકડી ખાતે ઊભા હોય ત્યારે બોલેરો કાર જીજે ૧૩ એ એક્સ ૩૨૩૫ નંબર વાળી લઈને મહિલાને કારમાં બેસાડી બાદમાં મરજી વિરુદ્ધ બળાત્કાર ગુજાર્યો હતો અને જાનથી મારી નાખવાની ધમકી પણ આપી હતી તેમજ મહિલાના ફોન નંબર પર વોટ્સએપ મેસેજથી ધમકી આપી હતી જ્યારે આ અંગે મહિલા દ્વારા પોતાના પરિવારને જાણ કરતા પરિવાર સાથે ધ્રાંગધ્રા તાલુકા પોલીસ મથકે શખ્સ વિરુધ જીરો નંબરથી ગુનો નોંધાવતા સ્થાનિક પોલીસે બળાત્કાર ગુજારનાર સુનિલભાઈ ગોવિંદભાઈ દલવાડી હસ્તગત કરી મોરબી પોલીસને સોંપવા માટેની કામગીરી હાથ ધરી છે
પરંતુ આ આખાય પ્રકરણમાં ભોગ બનનાર મહિલા અને બળાત્કાર કરનાર શખ્સ હળવદના ગ્રામ્ય વિસ્તારના છે. જ્યારે બનાવનું ઉદ્ભવસ્થાન પણ મોરબી મહેન્દ્રનગર ચોકડીથી લઈને હળવદ સુધીનું છે તો પછી ભોગ બનનાર મહિલા મોરબી જિલ્લો મૂકીને સુરેન્દ્રનગર જિલ્લાના ધ્રાંગધ્રા તાલુકા ખાતે જ કેમ જીરો નંબરથી ગુનો નોંધાવવા માટે આવ્યા તે અંગે પણ અનેક તર્ક વિતર્ક સર્જાયા છે.
