filter: 0; fileterIntensity: 0.0; filterMask: 0; brp_mask:0; brp_del_th:null; brp_del_sen:null; delta:null; module: photo;hw-remosaic: false;touch: (-1.0, -1.0);sceneMode: 8;cct_value: 0;AI_Scene: (-1, -1);aec_lux: 0.0;aec_lux_index: 0;albedo: ;confidence: ;motionLevel: -1;weatherinfo: null;temperature: 43;
સ્થાનિક પોલિસે ઘટનાની ગંભીરતા લઈ નરાધમ શખ્સને ઝડપી લીધો
ધ્રાંગધ્રા તાલુકાના ગ્રામ્ય વિસ્તારમાં રહેતા શ્રમિક પરિવારની 9 વર્ષની દિકરી પોતાના ઘર પાસે આવેલી દુકાને ચીજવસ્તુ લેવા જતા દુકાનદાર ઢગાએ દીકરીને બળજબરી પૂર્વક દુકાનમાં ખેંચી ગુપ્તભાગે અડપલા કર્યા હતા જેથી દિકરી ભયમાં પોતાના ઘરે દોડી જઈ સમગ્ર બાબત પરિવારને વર્ણવી હતી આ તરફ પરિવારે દુકાનદાર લક્ષ્મણભાઈ ટપુભાઈ ચોરસિયા વિરુધ ધ્રાંગધ્રા તાલુકા પોલીસ મથકે ગુનો નોંધાવ્યો હતો.
આ તરફ સ્થાનિક પોલીસ મથકના ઈનચાર્જ પીઆઇ એન.એમ.ચુડાસમા, પીએસઆઇ પી.એ.સોલંકી, વિજયસિંહ સહિતના સ્ટાફે ગુનાની ગંભીરતા લઈ દીકરીને અડપલા કરનાર શખ્સને શોધી કાઢવા પ્રયત્નો હાથ ધર્યા હતા જેમાં સ્થાનિક પોલીસે ગણતરીની કલાકોમાં જ શખ્સને ગામ નજીકથી જ ઝડપી લઇ આગળની કાર્યવાહી શરૂ કરી છે.
આ અંગે મહિલા પીએસઆઇ પી.એ.સોલંકી દ્વારા જણાવ્યું હતું કે “દીકરીને પોતાના પરિવારે ઘર નજીક આવેલી દુકાન પર ચીજવસ્તુઓ લેવા માટે મોકલી હતી અને આ વિકૃત શખ્સ દ્વારા દીકરીને શારીરિક અડપલા કર્યા હતા જેથી ગભરાઈ ગયેલી દિકરી ઘરે જઈ સમગ્ર બાબત જણાવતા શખ્સની કરતૂતો ઉજાગર થઈ હતી. પરંતુ આ પ્રકારની અન્ય કોઈ પરિવાર સાથે ઘટના બની છે કે કેમ ? તે અંગેની પણ તપાસ હાલ શરૂ કરી છે”
