• વિદેશી દારૂ તથા બિયર સહિત 7.25 લાખ રૂપિયાનો મુદામાલ જપ્ત
સુરેન્દ્રનગર પેરોલ ફલો ટીમનો સ્ટાફ લખતર નજીક પેટ્રોલીંગમાં હોય જે દરમિયાન લખતર તાલુકાના સદાદ ગામે વાડી વિસ્તારમાં વિદેશી દારૂનો જથ્થો છુપાવી વેચાણ થતો હોવાની બાતમીને આધારે સંજયભાઈ પાઠક, અસ્લમખાન મલેક, દશરથભાઈ રબારી સહિતનાઓ દ્વારા બાતમી વાળા સ્થળે દરોડો કરી વાડીની ઓરડીમાંથી વિદેશી દારૂની બોટલ 516 નંગ કિંમત 6,85,500 રૂપિયા, વિદેશી દારૂની નાની બોટલ 95 નંગ કિંમત 23750 રૂપિયા તથા બિયર ટીન 72 નંગ 15850 રૂપિયા એમ કુલ 7,25,100 રૂપિયાનો મુદામાલ જપ્ત કરી હાજર નહિ મળી આવેલ ભૂપતસિંહ વજેસિંહ ઝાલા રહે: સદાદ વાળા વિરુધ ગુનો નોંધી કાર્યવાહી હાથ ધરી હતી.
